Mali na gawin mo siyang mundo mo..

Dahil kapag nawala siya, ano na lang matitira sa’yo? Mali pala na magmahal ng sobra-sobra para lang sa isang tao. Na halos makalimutan mo na pati sarili mo. Masama ang sobra, ika nga nila. Kaya’t kapag nasobrahan ‘yang pagmamahal na ‘yan na meron ka sa isang tao, masasaktan ka rin ng sobra. Or worst, higit pa sa sobra.

Hindi porke masaya kayo ngayon ng karelasyon mo, eh sigurado ka ng siya pa rin ang makakapiling mo sa mga panahon na makakaranas ka ng lungkot. Hindi porke siya ang boyfriend/girlfriend mo ngayon, eh siya na ang forever mo. Magmahal ka ng tama, masama ang kulang at sobra. Mahalin mo ang taong karapat-dapat dyan sa pag-ibig mo. Saka mo siya gawing mundo mo, kapag ikaw din ang mundo niya.